Ҳумоюн Султонов Словенияда бош совринни кўзламоқда
Словенияда Халқаро теннис федерацияси томонидан ўтказилаётган М15 таснифига кирувчи мусобақанинг яккалик баҳсларида ҳамюртимиз Ҳумоюн Султонов финалга йўл олди.
Теннисчимиз турнирнинг ярим финал босқичида германиялик Максимилиан Гомбергга қарши кортга чиқди. Ушбу баҳснинг илк сетини 7:5 ҳисобида ўз фойдасига ҳал этган Ҳумоюн, иккинчи сетда бирорта ҳам геймни бой бермасдан финал йўлланмасини қўлга киритди.
Энди Ҳумоюн Султонов бош соврин учун ўтадиган финал беллашувида испаниялик Тито Чавез билан рақобатлашади. Мазкур тўқнашув ғолиби 2 минг 160 АҚШ доллари пул мукофоти ва 21 рейтинг очкосини қўлга киритади.
Жавоҳир Тошхўжаев, ЎзА
