Яқинда Тошкентнинг “Ҳумо” клуби хоккей бўйича Қозоғистон мунтазам чемпионати биринчи босқич сўнгги учрашувида Остона шаҳрининг “Номад” клубига қарши майдонга тушди.

Турнирда “Humo” 3:1 ҳисобида ғалаба қозониб, мухлисларини қувонтирди.

Учрашув якунида анъанавий “Мишкопад” хайрия тадбири ташкил этилди. Унда мухлислар бирдамлик ва саховат руҳида қатнашиб, 1 312 та юмшоқ ўйинчоқни арена майдонига жамлади. Ушбу хайрли ташаббус орқали улар мураккаб хасталикларга чалинган болаларга ғамхўрлик ва меҳр-муҳаббатини йўллади.

Тўпланган ўйинчоқлар кам учрайдиган ирсий касалликлар билан оғриган болаларга ҳамда Республика болалар ижтимоий мослашуви марказига топширилади. Тадбир “SMA UMID” ва “ISHONCH” хайрия жамғармалари кўмагида ташкил этилди.

<iframe width="560" height="315" src="https://www.youtube.com/embed/hHXoOvZzBpw?si=CBLteZBrT-MM9BO7" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Н.Зиёдуллаева, А.Аҳмедов (видеомонтаж), ЎзА