Хоразмда сув полоси бўйича Ўзбекистон чемпионати якунланди
Урганч шаҳридаги Сув спорти турларига ихтисослаштирилган спорт мактабида Ю-13 кичик ўсмирлар ўртасида сув полоси бўйича Ўзбекистон чемпионати якунига етди.
Мусобақада мамлакатимизнинг барча ҳудудларидан ташриф буюрган ёш спортчилар ғолиблик учун беллашиб, ўз иқтидор ва маҳоратларини намоён этишди.
Мусобақанинг якуний натижаларига кўра, ўғил болалар ўртасида учинчи ўринни Фарғона вилояти, иккинчи ўринни Наманган вилояти ва биринчи ўринни Жиззах вилояти жамоалари эгаллаган бўлса, қизлар ўртасидаги баҳсларда учинчи ўрин Фарғона, иккинчи ўрин Наманган ва биринчи ўрин Хоразм вилоятлари жамоаларига насиб этди.
Ғолиб ва совриндорлар тақдирланди.
Аҳмаджон Шокиров,
ЎзА мухбири
