23 июль куни президент Шавкат Мирзиёев раислигида аҳоли мурожаатлари билан ишлаш тизимини янгича ташкил қилиш чора-тадбирлари бўйича видеоселектор йиғилиш бўлиб ўтган эди. Мазкур йиғилишда берилган топшириқлар ижросини таъминлаш мақсадида жойларда ўрганиш ишлари олиб борилмоқда.

Хусусан, Хоразм вилоятининг Боғот, Гурлан туманида 20 яқин мурожаат ўрганилиб, уларнинг аксарият қисми ҳал этилди. Қўшкупир, Урганч ва Ҳазорасп туманларида эса, 20 дан зиёд мурожаат ижобий ечимини топди.  

Бундан ташқари, Хонка, Хива, Шовот туманларида ҳам аҳолининг кадастр соҳасига оид  30 га яқин муаммолари кўриб чиқилди. Янгиариқ, Янгибозор туманларида эса 8 та мурожаат ўрганилиб, барчасига ижобий ечим татбиқ этилди. Тупроққальа тумани, Хива ва Урганч шаҳрида ҳам фуқароларни кадастр соҳасида қийнаётган масалалар кўриб чиқилиб, уларнинг вақтида ҳал этилиши юзасидан ишлар амалга оширилмоқда.

Мафтуна КАРИМОВА,ЎзА