2025 йилнинг 13-19 апрель кунлари Арманистонда бўлиб ўтадиган хоккей бўйича дунё биринчилигининг IV дивизионида терма жамоамиз ҳам иштирок этади.

Унда хоккейчиларимизга Арманистон, Эрон, Қувайт, Малайзия ва Индонезия термалари рақиб бўлади.  

Шунингдек, 2025 йилнинг 28 февраль кунидан 6 март кунига қадар Таиланднинг Бангкок шаҳрида бўлиб ўтадиган III дивизион “B” гуруҳида ўсмирлар терма жамоамиз Босния ва Герцеговина, Туркманистон, Таиланд, Жанубий Африка ва Люксембург термалари билан рақобатлашади.  

Ушбу мусобақа U18 ёш тоифасида бўлиб ўтади. Шуни таъкидлаб ўтишимиз лозимки, мазкур ёшдаги хоккейчиларимиздан иборат терма жамоамиз учун мазкур чемпионат биринчиси ҳисобланади.  

Маълумот ўрнида: Ўзбекистон хоккей терма жамоаси мазкур ёш тоифасида Осиё ва Океания кубогининг амалдаги ғолиби ҳисобланади.  

Жавоҳир Тошхўжаев,

ЎзА