Хоккей: “Ҳумо” Қозоғистон чемпионатининг навбатдаги баҳсида “Торпедо”ни мағлуб этди
Тошкентдаги "Ҳумо арена" мажмуасида хоккей бўйича Қозоғистон чемпионати доирасида ўтказилган "Ҳумо" — "Торпедо" баҳсида ҳамюртларимиз ғалабага эришди.
Чемпионатнинг ярим финал беллашуви мақомида ўтган баҳсда Тошкент жамоаси 4:1 ҳисобида ғалаба қозонди.
Айтиш лозим, ушбу ўйин жамоалар ўртасидаги ярим финал сериясининг тўртинчиси бўлиб, унинг учтасида ҳамюртларимиз муваффақиятга эришган бўлса, Қозоғистоннинг Усть-Каменогорск шаҳри жамоаси хоккейчилари бир маротаба ғалабага эришган.
Жорий йилнинг 26 март куни жамоалар ўртасида ўтадиган сўнгги беллашув Усть-Каменогорск шаҳрида ташкил этилади. Учрашувда "Ҳумо" ғалаба қозонса финал йўлланмасига эга чиқади. Ўйинда "Торпедо" зафар қучган тақдирда чемпионлик серияси давом этади.
Т. Рўзиев, ЎзА