ФОТОРЕПОРТАЖ

Наманган вилояти ҳокими Шавкат Абдураззоқов Хитойнинг “Feng Yuan” компанияси раҳбари Гуойинг Фу бошчилигидаги делегацияни қабул қилди.  

Учрашувда компаниянинг замонавий когенерация тизими (бир пайтда иссиқлик ва электр энергиясини ишлаб чиқариш)ни жорий қилиш, қуёш энергияси ва мини ГЭСлар қуриш, шунингдек, биочиқиндилардан энергия олиш, бунга эришишда иссиқлик қозонхоналари ишлаб чиқариш бўйича инвестицион лойиҳаларни амалга оширишдаги тажрибаси тақдимот қилинди.  

Вилоят ҳокими ҳудуднинг иқтисодий ва демографик салоҳияти, юқори ривожланиш тенденциялари, кичик бизнес ва хусусий тадбиркорликнинг ривожланиш суръатлари бўйича аниқ маълумотлар бериб, аниқ лойиҳаларга асосланган таклифларни илгари сурди.  

[gallery-11256]

Хитой компанияси вакиллари Наманган вилояти билан ўзаро манфаатли ҳамкорлик истиқболларини юқори баҳолаган ҳолда, келгусида иситиш қозонлари ишлаб чиқариш, Норин дарёсида каскадли мини ГЭСлар қуриш, Поп, Чуст ва Тўрақўрғон туманларида қуёш электр станциялари барпо этишда иштирок этиш имкониятларини ўрганишини билдирди.  

Ҳотам МАМАДАЛИЕВ (сурат), ЎзА