Хитой АҚШдан 200 та Boeing сотиб олади
Хитой АҚШдан 200 та Boeing самолёти сотиб олишга розилик билдирди, деб хабар қилди DW нашри.
Бу ҳақда Трамп ҳам Си Цзиньпин билан ўтказилган музокаралар якунида маълум қилган.
Шунингдек, Хитой раҳбари АҚШга Эрон билан боғлиқ масалаларда ёрдам беришни ҳам таклиф қилган.
Трамп FoxNews телеканалига берган интервьюсида: “Boeing компаниямиз 150 та самолёт сотишни мўлжаллаган эди, аммо хитойликлар 200 та сотиб олиш истагини билдиришди”,— деди.
Унинг таъкидлашича, бу АҚШда жуда кўп янги иш ўринлари яратилишига хизмат қилади.
Шунингдек, Boeing бош директори Келли Ортберг ҳам АҚШ делегацияси таркибида Пекиндаги музокараларда қатнашган. Компаниянинг ўзи эса ҳозирча Трампнинг баёнотларига муносабат билдирмади. Аввалроқ АҚШ молия вазири Скотт Бессент Трампнинг Хитойга ташрифи авиасозлик компанияси учун йирик шартнома билан якунланишига ишонч билдирган эди.
Дональд Трамп Хитой раҳбари Си Цзиньпин Эрон бўйича келишувларга эришишда кўмак беришни таклиф қилганини айтди.
Трампнинг таъкидлашича, Си Цзиньпин Ҳурмуз бўғозининг қайта очилишидан манфаатдор. Жаҳон савдоси учун стратегик аҳамиятга эга бўлган бу бўғоз АҚШ ва Исроилнинг Эронга қарши уруши бошланганидан буён ёпиқ бўлиб, нефть экспортини жиддий қийинлаштирган. Хитой эса Эрон нефтининг энг йирик харидори ҳисобланади. Шу боис у Ҳурмуз бўғози орқали денгиз қатнови тикланишидан манфаатдор.
Айни пайтдаАҚШ давлат котиби Марко Рубио ўз интервьюсида Трамп Хитойдан ҳеч қандай ёрдам сўрамаганини маълум қилди. “Биз Хитойдан ёрдам сўрамадик ва унинг қўллаб-қувватлашига муҳтож эмасмиз”, — деди Рубио. Унинг қўшимча қилишича, Трамп фақат Си Цзиньпинга вазият ҳақида маълумот берган.
<iframe width="650" height="420" src="https://www.youtube.com/embed/l8AR9r2tOiA" title="Xitoy AQSHdan 200 ta Boeing sotib oladi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Кенжа Бекжонов, Анвархўжа Аҳмедов, ЎзА
