Ҳаёт Давлатов Когон шаҳар ҳокими этиб тайинланди
Халқ депутатлари Когон шаҳар Кенгашининг навбатдан ташқари сессияси бўлиб ўтди.
Сессияда вилоят ва шаҳар Кенгаши депутатлари, секторлар раҳбарлари, вилоят ҳокими ўринбосарлари, тегишли бошқарма, корхона ва ташкилотлар ҳамда оммавий ахборот воситалари вакиллари қатнашди.
Бухоро вилояти ҳокими Ботир Зарипов иштирокида ўтказилган сессияда ташкилий масала кўрилди.
Ҳаким Ҳошимов бошқа ишга ўтиши муносабати билан Когон шаҳар ҳокими вазифасидан озод этилди.
Сессияда вилоят қурилиш бош бошқармаси бошлиғи Ҳаёт Ҳасанович Давлатов Когон шаҳар ҳокими этиб тасдиқланди.
Давлат раҳбари томонидан “Мамлакатимизда ёшлар бандлигини таьминлаш ва бўш вақтларини мазмунли ташкил этиш чора-тадбирларига” бағишланган кенгайтирилган видеоселектор йиғилишида Когон шаҳар сектор раҳбарлари ишдан олинганди.
Зариф Комилов, ЎзА