Аввал хабар берганимиздек, жорий йилнинг 7-14 февраль кунлари Хитойнинг Ҳарбин шаҳрида IX қишки Осиё ўйинлари ўтказилади.

Қувонарлиси, мазкур мусобақанинг расмий сайти қитъа ўйинларида мамлакатимиз спортчилари ҳозирча 6 та йўналишда иштирок этиши ҳақида маълум қилди.  

Аниқроқ айтадиган бўлсак, IX қишки Осиё ўйинларининг конкида учиш йўналишида Данила Семериков, шорт-трек баҳсларида Денис Айрапетян ва Даниил Ейбог, фигурали учишда Дмитрий Чигирев, Екатерина Гейниш, Нигинабону Жамолиддинова, Севинч Раҳимова, Азизмурод Шабазов, тоғ чанғиси беллашувларида Арман Гаюпов, Никита Горковский, Ксения Григорьева, Валерия Ковалева, Мария Морозова, Медет Назаров, Сабина Режепова, Комилжон Тўхтаев, биатлон пойгаларида Дилмурод Абдураҳмонов, Ролан Раимқулов, чанғи алпинизми бўйича Махсуджон Акобиров, Моҳинур Аралова, Феруза Бобоқулова, Эъзозбек Хушвақтов, Шоҳрух Сардоров, Жасур Шамшиддинов, Асила Шойимова, Эъзоза Шаймардонова мамлакатимиз шарафини ҳимоя қилади.  

Маълумот ўрнида: IX қишки Осиё ўйинларида қитъа спортчилари 11 та спорт тури бўйича 64 та мусобақалар дастурида иштирок этади.  

Жавоҳир Тошхўжаев,

ЎзА