Халқаро математика мусобақасида ўзбекистонлик ўқувчилар 18 та медални қўлга киритди
26-31 июль кунлари Ҳиндистонда бўлиб ўтган Халқаро математика мусобақасида ўзбекистонлик ўқувчилар 3 та олтин, 4 та кумуш ва 11 та бронза медалини қўлга киритди.
Ёш математиклар мусобақасида 30 та давлатдан 576 нафар иқтидорли ўқувчи иштирок этди. Ўзбекистон терма жамоаси 8 нафар иқтидорли ёшлардан иборат бўлиб, уларнинг барчаси совриндорлар қаторидан жой олди.
Шунингдек, ихтиёрий равишда ота-онаси ва устозларининг ташаббуси билан иштирок этган ўқувчилар орасидан 10 нафари муваффақиятли иштирок этди ва тақдирланди.
Н.Усмонова,
ЎзА