Президент ташрифидан сўнг...

Мамлакатда саноат, энергетика ва ахборот технологиялари ривожланиб, янги-янги мажмуалар ишга туширилса замонавий билимга эга кадрларга талаб ортади.

Олмалиқ шаҳрида Тошкент давлат техника университети ҳамда Москва пўлат ва қотишмалар институтининг филиаллари фаолият олиб боради. Яқинда бу таълим даргоҳларига қўшимча Олмалиқ кон-металлургия комбинатининг Муҳандислик мактаби ташкил этилди.

Президент Шавкат Мирзиёев 15 октябрь куни мазкур мактаб фаолияти билан танишган эди. Таъкидлаш жоиз, бу ерда хориж тажрибаси асосида йилига беш юз нафарга нафар муҳандис тайёрланади. Минг нафар ходимнинг малакаси оширилади.

Таълимнинг бу йўналишига эътиборор бугун ҳар қачонгидан ҳам долзарб эканини олиб борилаётган ислоҳотлар, қабул қилинаётган ҳужжатларда ҳам кўриш мумкин.

Хусусан, Ўзбекистон Республикаси Президентининг 2024 йил 2 февралдаги қарорида бу борада қатор муҳим вазифалар белгиланган. Ҳужжатга мувофиқ, муҳандислик-техника йўналишида кадрлар тайёрлайдиган олий таълим муассасалари ташкилий-бошқарув фаолияти такомиллаштирилмоқда. Ўқув дастурларининг замонавий технологиялар ва иш берувчилар талабига мувофиқлиги ўрганилмоқда.

Биринчи босқичда ўнта олий муҳандислик мактаби ташкил этилиши белгиланган.

Президент Шавкат Мирзиёев 20 июнь куни Тошкент давлат техника университети, Бухоро муҳандислик-технология институти, Тошкент давлат транспорт университети, Фарғона политехника институти, Тошкент архитектура-қурилиш университети ва Тошкент ахборот технологиялари университети ҳузурида ташкил этилаётган олий муҳандислик мактаблари тақдимоти билан танишган эди.

Давлат раҳбари ташрифидан сўнг Олмалиқ кон-металлургия комбинатининг Муҳандислик мактаби директори Беҳзод Салимов билан суҳбатлашдик.

Суҳбатни ЎзАнинг ютубдаги саҳифасида томоша қилинг.

<iframe width="640" height="420" src="https://www.youtube.com/embed/egAOmWK_u2U" title="Olmaliq kon-metallurgiya kombinatining Muhandislik maktabidan reportaj" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Икром АВВАЛБОЕВ,

ЎзА мухбири