Германия нашрида бухоролик ўқитувчи ҳақида мақола берилди
Айни кунларда Бухоро вилояти Вобкент туманидаги 1-умумтаълим мактаби немис тили фани ўқитувчиси Феруза Жўраева ZfA – Германиянинг хориждаги немис тилини ўрганаёттган мактабларни қўллаб-қувватлаш ташкилоти ҳамкорлик лойиҳаси доирасида Германия давлатида таълим сафарида бўлиб турибди.
Германияда чиқадиган “Neue Westfällische” газетасида Феруза Жўраева ҳақида мақола эълон қилинди.
Мақолада икки давлат ўртасидаги яқин муносабатлар, таълимдаги ҳамкорлик ва икки давлат ўқитувчилари ўртасида ўзаро тажриба алмашиш йўлга қўйилганлиги, Феруза Жўраева мисолида ўзбекистонлик ўқитувчиларнинг салоҳияти, мамлакатимизда педагогларга берилаётган эътибор ҳақида ёзилган.
Зариф Комилов,
ЎзА мухбири