Аввал хабар берганимиздек, Испанияда гандбол бўйича аёллар ўртасидаги XXV жаҳон чемпионатининг барча гуруҳларида дастлабки ўйинлар бўлиб ўтди.

“D” гуруҳидан жой олган Ўзбекистон терма жамоаси аъзолари чемпионат дастурига биноан илк ўйинни Швеция терма жамоасига қарши ўтказди. Беллашувда 46:15 ҳисобида швецияликларнинг қўли баланд келди.

Гуруҳдаги Нидерландия-Пуэрто-Рика “дуэли”да эса 55:15 натижаси қайд этилди. Энди юртимиз гандболчи қизлари бугун, 5 декабрь куни кечки пайт Нидерландия термасига қарши ўйин ўтказади.
Жаҳон чемпионатининг қолган гуруҳларидаги ўйинларда қуйидаги натижалар қайд этилди:
“А” гуруҳи: Франция-Ангола-30:20, Чернагория-Словения-18:28.
“В” гуруҳи: Россия-Камерун-40:18, Сербия-Польша-25:21.
“Е” гуруҳи: Германия-Чехия-32:21, Венгрия-Словения-35:29.
“C” гуруҳи: Руминия-Эрон-39:11, Норвегия-Қоғоғистон-46-18.
“Ғ” гуруҳи: Жанубий Корея-Конго-37:23, Дания-Тунис-34:16.
“G” гуруҳ: Хорвати-Бразилия-25:30, Япония-Парагвай-40:17. 
“Н” гуруҳ: Испания-Аргентина-29:13, Австрия-Хитой-38:27. 
Илк бор дунёнинг 32 давлати қатнашаётган ушбу жаҳон чемпионати мусобақалари Испаниянинг Кастельон, Гранольерс, Лирия, Торревьеха шаҳарларида бўлиб ўтмоқда.
Мамлакатимиз гандболчи қизлари Испаниянинг Торревьеха шаҳрида чемпионат гуруҳ баҳсларида қатнашмоқда.
Чемпионатнинг гуруҳ ўйинлари 7 декабрга қадар бўлиб ўтади. Ундан кейин совринли ўринлар учун басҳларга киришилади. 
Мусобақалар 19 декабрга қадар давом этади.

Т. Рўзиев, ЎзА