Пойтахтимиздаги Республика олимпия ва паралимпия спорт турларига тайёрлаш марказида гандбол бўйича эркаклар ва аёллар жамоалари ўртасида ўтказилаётган Марказий Осиё очиқ чемпионати давом этмоқда.
Эркаклар ўртасидаги баҳсларда қатнашаётган 10 та жамоа икки гуруҳга бўлинган ҳолда ғолиблик учун кураш олиб бормоқда.
“А” гуруҳини ОКМК (Олмалиқ) Тошкент (Ўзбекистон.), Ҳиндистон, Тожикистон терма жамоалари ва Республика олимпия ва паралимпия спорт турлари маркази жамоаси (Ўзбекистон) ташкил этган бўлса, “Б” гуруҳида Хоразм вилояти (Ўзбекистон), Қўқон университети (Ўзбекистон), Қирғизистон терма жамоаси, Остона (Қозоғистон), Ўзбекистон ўсмирлар терма жамоаси вакиллари куч синашмоқда.
Ортда қолган дастлабки тур ўйинларида қўйидаги натижалар қайд этилди: Ҳиндистон – Тожикистон - 43:40, Қирғизистон – Остона - 37:41, Қўқон университети. – Ўзбекистон ўсмирлар терма жамоаси - 40:25, Тошкент– РОПСТТМ - 25:16.
Кеча ўтказилган гуруҳдаги навбатдаги учрашувларда РОПСТТМ – Ҳиндистон - 31:30, Ўзбекистон ўсмирлар терма жамоаси – Қирғизистон - 32:13, Тошкент– ОКМК - 23:28, Хоразм – Қўқон университети. - 24:32 ҳисоблари қайд этилди.
Марказий Осиё очиқ чемпионатининг аёллар биринчилиги ўйинларида қатнашаётган 9 та жамоа икки гуруҳга бўлинган ҳолда совринли ўринлар учун кураш олиб бормоқда.
“А” гуруҳида Олмата (Қозоғистон), Озарбайжон терма жамоаси, ОКМК (Ўзбекистон), РОПСТТМ (Ўзбекистон.). “Б” гуруҳида Ўзбекистон терма жамоаси, Остона (Қозоғистон), Қирғизистон, Тожикистон термалари ва Остона ЦПОР U-18 (Қозоғистон) волейбол жамоалари жой олишган.
Аёллар ўртасидаги илк ўйинларда Остона – Қирғизистон - 38:8, Озарбайжон – ОКМК - 30:28, Олмата – РОПСТТМ - 39:30, Ўзбекистон – Тожикистон - 32:7 кўринишида якунланди. Гуруҳ ўйинларининг иккинчи босқичида Олмата – ОКМК - 35:38, Остона ЦПОР U-18 – Қирғизистон - 30:12, РОПСТТМ – Озарбайжон - 31:39, Ўзбекистон – Остона - 30:33. Ҳисобларида учрашувлар поёнига етди.
Бугун, 18 май куни Марказий Осиё очиқ чемпионатининг гуруҳ босқичидаги навбатдаги учрашувлар ташкил этилади.
Иқтидорли спортчиларни аниқлаш, гандбол жамоаларининг ўйин кўникмасини кучайтиришга хизмат қилаётган чемпионат 21 майга қадар давом этади.
Т.Рўзиев, ЎзА