Футбол: Жанни Инфантино Ўзбекистон миллий терма жамоасига омад тилади
Халқаро футбол федерациялари ассоциацияси(FIFA) президенти Жанни Инфантино Жаҳон чемпионати олдидан Ўзбекистон миллий терма жамоасига омад тилади.
— Ўзбекистон терма жамоасига Шимолий Америка мамлакатларида бўлиб ўтадиган ФИФА Жаҳон чемпионатида омад тилайман! Жаҳон футбол саҳнасидаги тарихий дебютини ўтказадиган Ўзбекистон жамоасига энг эзгу тилакларимни билдираман. Мухлисларини фахрлантириш, тарихда янги саҳифа очиш ва бутун дунёга ўз имкониятларини намойиш этиш йўлида уларга муваффақият тилайман – дея фикр билдирди Инфантино.
Т.Рўзиев, ЎзА
