Ўзбекистон Республикаси Президенти Шавкат Мирзиёевнинг таклифига биноан Франция Республикаси Президенти Эммануэль Макрон 1 ноябрь куни расмий ташриф билан мамлакатимизга келди.

Самарқанд шаҳри аэропортида Франция Президентини Ўзбекистон Бош вазири Абдулла Арипов кутиб олди.

Олий мартабали меҳмон шарафига икки мамлакат байроқлари кўтарилди ва фахрий қоровул саф тортди.

Ташрифнинг асосий тадбирлари эртага режалаштирилган. Бугун икки мамлакат етакчилари кўҳна Самарқанднинг тарихий обидаларига биргаликда ташриф буюрадилар.

ЎзА