АТБ “Қишлоқ қурилиш банк” мижозлар учун қулайликлар яратишда давом этади.
Ўзбекистон Республикаси Президентининг 2021 йил 11 мартдаги “Бозор тамойилларига асосланган ипотека кредитлари ажратиш орқали аҳолини уй-жой билан таъминлашга оид қўшимча чора-тадбирлар тўғрисида”ги ПФ-6186-сонли Фармонига асосан янги тартиб доирасида аҳолига ипотека кредитлари ажратишда қўшимча бир қанча қулайликлар яратилди.
Кредит, айниқса ипотека кредити расмийлаштириш жараёни қанчалик қисқа ва қулай бўлса, мижозлар учун шунчалик жозибалидир. Шундан келиб чиққан ҳолда эндиликда бирламчи бозордан янги хонадонни ипотека кредити асосида сотиб олишни истаган юртдошларимиз учун яхши янгиликка қўл урилди. Гап шундаки, мижозлар кредит ҳужжатларини банк филиалига бормасдан, онлайн тартибда юборишлари мумкин бўлди. Бунда банк филиаллари онлайн келиб тушаётган ариза ва тегишли ҳужжатларни 3 кун муддатда ўрганиб, натижаси бўйича (кредит ажратиш ёки ажратмаслик сабаблари кўрсатилган ҳолда) электрон почта ёки бошқа воситалар орқали ариза берувчига хабарнома юборади.
Онлайн ариза орқали ипотека кредити ажратилиши бўйича ижобий хабарнома олган фуқаролар АТБ “Қишлоқ қурилиш банк” филиалига кредит шартнома имзолаш учун ташриф буюрадилар.
Бу жараён фуқароларнинг ҳужжат топшириш учун кетадиган вақтини тежаш имконини бераётгани билан аҳамиятлидир.
Ипотека кредити ажратилиши юзасидан онлайн ариза топшириш тўғрисида батафсил маълумот олиш учун қуйидаги линкка ёки банкнинг (78) 150 00 55 (қисқа рақам: 1254)телефон рақами орқали мурожаат қилишингиз мумкин!
Қишлоқ қурилиш банк – фаровон ҳаётингиз хизматида!
Мурожаат учун:
Телефонлар: (78) 150-00-55
Қисқа рақам: 1254
Веб сайт: www.qqb.uz
Банк ахборот хизмати
Реклама ҳуқуқи асосида