Европа Иттифоқи ташқи ишлар вазири Кая Каллас Тбилиси ўз сиёсатини ЕИ талабига мувофиқлаштирмаса, август ойи охирида Грузия фуқаролари учун визасиз режимни бекор қилиш масаласи кўриб чиқилиши мумкин, деди.

Ўтган йил май ойида парламент хорижий агентлар тўғрисидаги қонунни қабул қилгандан кейин Грузия ва Европа Иттифоқи ўртасидаги муносабат ёмонлашган. 

2024 йил 28 ноябрда Бош вазир Ираклий Кобахидзе мамлакатнинг ЕИга аъзолиги бўйича музокарани 2028 йилгача бошлаш масаласи кўриб чиқилишини тўхтатиб туриш қарорини эълон қилди. Шундан бери Кавказ давлатида доимий равишда янги парламент сайлови ўтказиш талаби билан намойишлар уюштирилмоқда. Европа сиёсатчилари намойиш иштирокчиларини бир неча бор қўллаб-қувватлаган.