ЕЧЛ финалида “ПСЖ” - "Арсенал" ўйнайди

Футбол бўйича Европа чемпионлар лигасининг ярим финалидан ўрин олган жавоб учрашувлари ўз ниҳоясига етди.

Ярим финал жавоб учрашуви Мюнхенда “Бавария” ва “ПСЖ” жамоалари ўртасида бўлиб ўтди. Мазкур баҳс 1:1 ҳисобидаги дурaнг билан якунланди. Учрашувнинг 3-дақиқасида Усмон Дембеле ҳисобни очган бўлса, 90+4-дақиқада Ҳарри Кейн гол уриб, ҳисобни тенглаштирди.  

Шу тариқа, “ПСЖ” икки ўйин натижасига кўра, 6:5 ҳисобида ғалаба қозониб, финалга йўл олди.

Европа чемпионлар лигасининг финал учрашуви 30 май куни Венгриянинг Будапешт шаҳрида жойлашган “Пушкаш Арена” стадионида бўлиб ўтади. Унда “Арсенал” ва “ПСЖ” клублари бош соврин учун ўзаро рақобатлашади.

Эслатиб ўтамиз, мусобақанинг амалдаги чемпиони “ПСЖ” ҳисобланади. Клуб қаторасига иккинчи бор финалга чиқяпти.

Жавоҳир Тошхўжаев,

ЎзА