Сайёрамиздаги энг катта муз қояси (iceberg) “А23а” Антарктидада улкан гирдобдан чиқиб, ҳаракатлана бошлади. “BBC”нинг ёзишича, мазкур улкан муз қояси шимолга қараб силжимоқда.

– “А23а” яна ҳаракатланаётганини кўриш мумкин, - дейди Британия Антарктика тадқиқоти (BAS) океанографи Эндрю Мерс. - Биз унинг Антарктидадан узилиб қолган бошқа йирик айсберглар билан бир хил йўналиш бўйлаб кетаётганини билишга қизиқамиз ва бу ҳолат маҳаллий экотизимга қандай таъсир қилиши муҳим.

Ушбу улкан муз қояси Лондондан икки баравар катта ва оғирлиги деярли 1 триллион тоннани ташкил этади. Унинг сирт майдони тахминан 4 минг квадрат километрни ташкил этади ва унинг қалинлиги тахминан 400 метр атрофида.

Г.Сатторова, ЎзА