Тошкент метрополитенининг А.Навоий метро бекатидан фоторепортаж

Ноёб ва бетакрор меъморчилик санъатини ўзида жамлаган Тошкент метрополитенининг А.Навоий метро бекати 1984 йилнинг 8 декабрь куни ишга туширилган.

Тошкент метрополитенининг Алишер Навоий бекати дунёдаги энг гўзал метро бекатлари қаторида саналади. Бу рўйхатда Москва, Неаполь, Вашингтон, Киев, Гаосюн, Прага, Мюнхен, Санкт-Петербург, Монреаль, Стокгольм каби шаҳарларда жойлашган метро бекатлари ҳам жой олган.

Алишер Навоий метросидаги ноёб миллий архитектура намуналаридан завқланган мутахассислар мазкур бекатни “Инсонлар қалбига ўзгача гўзаллик ва туйғу олиб кирувчи метро”, дея таъриф беришган.

Эслатиб ўтамиз, жорий 2018 йилнинг 1 июнь кунидан Тошкент метрополитенида суратга тушишга ва видеога олишга расман рухсат берилган.