Пойтахтимизда қиличбозлик бўйича БААда ўтган жаҳон чемпионати якуни бўйича матбуот анжумани ўтказилди.
Маълумки, 2-10 апрель кунлари БААнинг Дубай шаҳрида қиличбозлик бўйича ўсмирлар ва ёшлар ўртасида навбатдаги жаҳон чемпионати бўлиб ўтди. Унда ғалаба қозониб, ушбу спорт турида Ўзбекистон учун илк олтин медални тақдим қилган саблячимиз Зуҳриддин Қодиров кўпчиликнинг олқишига сазовор бўлди.
[gallery-6741]
Шунингдек, мазкур мусобақада Зайнаб Дайибекова ҳам бронза медалини қўлга киритди. МОҚда қиличбозларимиз қайд этган натижа ва федерациянинг ўз олдига қўйган режаларига бағишланган матбуот анжумани бўлиб ўтди.
Унда Пан Америка қиличбозлик конфедерацияси президенти Виталий Логвин, Ўзбекистон қиличбозлик федерацияси бош котиби Гулнора Саидова, терма жамоа бош мураббийи Владимир Назлимов, ёш спортчиларимиз ва ОАВ ходимлари қатнашди.
Муҳаммад АМИН, ЎзА