Данғарадаги газобетон маҳаллий хомашёдан тайёрланади (+видео)
Мамлакатда, жумладан, Фарғона вилоятида ҳам қурилиш, айниқса. уй-жой мажмуалари жуда тез суръатларда ривожланиб бормоқда. Шу билан бирга қурилиш материаллари турлари ишлаб чиқариш ҳам кенгайди. Энди Фарғона вилоятида ишлаб чиқарилаётган гипсокартон, пластик пол, плинтус, сендвич панеллар ички эҳтиёжни қоплаб, экспорт қилинаётган маҳсулотлар қаторидан жой олди.
Аммо кўп қаватли уй-жой қурилишида ишлатилаётган газобетон маҳсулотининг бир қисми ҳамон Тошкент шаҳридан келтирилмоқда. Уй-жой қурилиши эса кундан кун кўпайиб боряпти. Шу эҳтиёжни қондириш мақсадида Тошлоқ туманидаги саноат зонасида кунлик қуввати 500 кубометрлик завод қурилган эди. Унинг маҳсулотларидан кўплаб қўп қаватли уйлар қад ростлади. Энди корхона қувватини ошириш учун қўшимча автоклав ўрнатиляпти.
Данғара туманида эса хитойлик ҳамкорлар биратўла кунлик қуввати минг кубометр газобетон ишлаб чиқарувчи завод қуряптилар. Бу ерда автоклав газобетон, базальт, пишган оҳак ишлаб чиқарилади. У ҳозирча 5 гектар майдонда жойлашади. 120 та янги иш ўрнига эга бўлади. Корхона юз фоиз хорижий инвестиция асосида бунёд этилмоқда. Инвестор “NGQIAN” компаниясининг вакили Ван Лю Шеньнинг таъкидлашича, завод қурилишига 40 млн доллар ажратилган. Унинг 25 млн доллари 2026 йилда ўзлаштирилади. Барча технологик ускуна ва жиҳозлар Хитойдан келтирилган.
Маълумки, автоклав газобетон, яъни пиширилган блок учун асосий хомашё махсус таркибга эга қум, оҳак ва алюмин унидир. Данғара тумани ҳудудининг бир чети Марказий Фарғона қум барханларига туташ. Ўзбекистон ва Хитой мутахассислари унинг таркибини ўрганиб чиқдилар ва у газобетон ишлаб чиқаришга яроқлилиги аниқланди.
– Бу жуда катта имконият, – дейди Ван Лю Шень. – Хомашёнинг корхонамиз ёнида экани харажатларни камайтиради. Демак,. таннарх пасаяди ва тайёр маҳсулот арзонлашади.
Шу кунларда Данғарага оҳак пишириш “Гидроксид” – технологик линияси ҳам келтирилди ва энди маҳаллий оҳактошдан газобетон учун сифатли хомашё – пишган оҳак ҳам шу ерда ишлаб чиқарилади. Келгусида алюмин уни тайёрловчи линия ҳам қуриш режалаштирилган.
<iframe width="640" height="420" src="https://www.youtube.com/embed/yf9SjBhiyN8" title="Dang`aradagi gazobeton mahalliy xomashyodan tayyorlanadi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Муҳаммаджон Обидов, Элёр Олимов(видео, сурат), ЎзА
