Россия президенти маслаҳатчиси Антон Кобяков Совет Иттифоқи “юридик жиҳатдан ҳали ҳам мавжуд” эканини таъкидлади. У СССРни тарқатиб юбориш тартиби бузилганини, яъни 1922-йилда Халқ депутатлари съезди, яъни Советлар съезди СССРни ташкил этган бўлса, уни тарқатиш ҳам ўша депутатлар съездининг қарори билан амалга оширилиши керак бўлганини айтди.
Қатар 400 миллиард долларлик ҳашаматли Боинг 747-8 самолётини АҚШ президенти Дональд Трампга совға қилди.
Ушбу самолёт 90 нафар меҳмон ва 14 нафар экипаж аъзосини сиғдира олади. Йўловчилар икки қаватда жойлашган бешта меҳмонхона ва шахсий ваннага эга ётоқхонадан фойдаланиши мумкин.
Москва аэропортларида ўнлаб учиш ва қўниш рейслари кечиктирилмоқда. Кечикишлар дрон ҳужумларини қайтариш фонида юз берди.
Маълумотларга кўра, Шереметьеводан 15 та рейс кечиктирилган, еттитаси бекор қилинган, Домодедоводан олтита бекор қилинган, Внуководан 12 та рейс кечиктирилган, Жуковскийдан битта рейс бекор қилинган, иккитаси кечиктирилган.
Биткоин нархи 22 май куни тарихда биринчи марта Бинанcе криптобиржасида 111 минг доллардан ошди. Тошкент вақти билан соат 08:45 да криптовалюта 111 880 доллардан сотилди, кейинроқ курс бироз пасайди. Биткоиннинг 21 май кунги қиймати илк бор 109,5 минг долларга етганди.
Вашингтон штатидаги яҳудий музейи олдида Исроил элчихонасининг икки ходими отиб ташланди. Маълум қилинишича, қурбонлар ёш жуфтлик бўлиб, яҳудий музейидаги тадбирни тарк этаётганда отиб ташланган. Полиция отишма аввалдан режалаштирилгани ва мақсадли бўлганини маълум қилган. Отишма содир этишда гумонланган 30 ёшли чикаголик эркак қўлга олинган.
АҚШ собиқ президенти Жо Байденга простата саратонининг агрессив шакли ташхиси қўйилган бўлиб, унинг 12 ойдан 18 ойгача умри қолган бўлиши мумкин. Бу ҳақда Оқ уйнинг собиқ шифокори, республикачи конгрессмен Ронни Жексонга таяниб, оммавий ахборот воситалари хабар берди. Байденнинг матбуот котиби 18 май куни ташхисни тасдиқлади ва касалликни даволаш мумкинлигини таъкидлади. Бироқ Жексоннинг сўзларига кўра, муваффақиятли даволанишга умид қилинса-да, прогнозлар ташвишли бўлиб қолмоқда.
<iframe width="650" height="420" src="https://www.youtube.com/embed/TY7wV5-8Ces" title="Бугун 22-май кунининг энг муҳим хабарлари билан халқаро дайжест дастури" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Ирода Жўраева, Искандар Исматов, ЎзА