Пойтахтимиздаги “Юнусобод“ спорт мажмуасида ўтказилган йилнинг илк йирик профессионал бокс мусобақасида "Париж-2024" Олимпиадаси ғолиби Лазизбек Муллажонов ғалабага эришди.

Ўзбекистон профессионал бокс федерацияси, “Lift” промоутерлик компанияси томонидан ташкил этилган бокс оқшомида 10 та жанг бўлиб ўтди. 

Шиддатли кечган бокс кечасининг марказий жангида "Париж-2024" Олимпиадаси чемпиони Лазизбек Муллажонов илк раундлардаёқ Руслан Мираимовдан устунлигини намойиш этди.  

Ўтказилган жангларда шунингдек, бир кун аввал мамлакат чемпионатида олтин медални қўлга киритган Мужибулло Турсунов Шаҳобиддин Жўрахоновни техник нокаутга учратган бўлса, Бекзодбек Исадуллаев Достон Қодировдан, Иброҳим Абдуллаев Камронбек Дилбаровдан устун келди.  

Бокс оқшомида Сиддиқ Зарипов шиддатли кечган жангда муддатидан аввал Рустам Эргашевни таслим этди.  

Т.Рўзиев,

ЎзА