Бирлашган Миллатлар Ташкилоти Қочқинлар бўйича Олий комиссарлиги бошқармаси Башар Aсад ҳокимиятдан кетиши билан қўшни давлатлардаги Сурия фуқаролари ёппасига ватанига қайтаётганига эътибор қаратган.

Қочқинлар комиссарлигининг ушбу масалага доир баёнотида 2024 йил 8 декабрдан буён Сурияга Туркия, Иордания ва Ливандан 115 000 га яқин одам қайтиб келгани эълон қилинди.

Бу рақам тегишли давлатлар, Суриядаги миграция идоралари ҳамда БМТ Қочқинлар бўйича Олий комиссарлиги ва тузилманинг ҳамкорлари томонидан чегараларда ўтказилган кузатувга асосланган.