АҚШ давлат котиби Энтони Блинкен авторитар режимлар инсон ҳуқуқи ва демократияга путур етказиш учун технология ютуқларидан фойдаланаётганига урғу берган.

– Ҳозирги шароитда технология демократия қадрияти ва меъёрини қўллаб-қувватлаши ҳамда мустаҳкамлашини таъминлашимиз зарур, – деди давлат котиби Сеулда бўлиб ўтган учинчи “Демократия учун саммит”да. – Демократия инсон қобилиятини тўлиқ очиш, халқлар манфаати йўлида муваффақиятга эришиш учун энг самарали восита. Биз эркин ва ҳалол сайлов  мавзусини илгари сурамиз.  

Бу гал 18-20 март кунларига белгиланган ушбу анжуманнинг биринчиси 2021 йил декабрда Вашингтон ташаббуси билан видеоконференция шаклида ташкил этилган эди. Ўшанда Америка ҳукумати 110 давлатдан вакил таклиф этган, рўйхатга Россия, Миср, Хитой, Туркия каби бир неча мамлакат киритмаган.