Бир нафар профессор-ўқитувчига 200 нафардан ортиқ талаба тўғри келмоқда (+видео)
Таълим сифатини таъминлаш миллий агентлиги томонидан олий таълим ташкилотлари миллий рейтингининг муҳим индикаторларидан бири профессор-ўқитувчилар билан таъминланганлик даражаси шакллантирилди.
Натижаларга кўра, давлат олийгоҳларида бир нафар профессор-ўқитувчига ўртача 19,1 нафар талаба тўғри келса, хорижий олийгоҳлар филиалларида бу кўрсаткич 32,9 нафарни, нодавлат олийгоҳларда эса 55,3 нафарни ташкил этади.
Олийгоҳлар тоифалари кесимида энг яхши нисбат ижод (спорт) фанлари олийгоҳларида қайд этилган бўлиб, уларда бир нафар профессор-ўқитувчига ўртача 8,4 нафар талаба тўғри келади. Тиббиёт фанлари олийгоҳларида ушбу кўрсаткич 13,6 нафарни, амалий фанлар олийгоҳларида 26,8 нафарни, ижтимоий-гуманитар фанлари олийгоҳларида эса 44,3 нафарни ташкил этади.
Айрим олийгоҳларда профессор-ўқитувчи ва талабалар нисбати кескин юқори кўрсаткични, баъзи ҳолларда 200 нафардан ҳам ортиқни ташкил этган.
Нисбатнинг юқори бўлиши талабалар билан индивидуал ишлаш, амалий машғулотлар ва илмий фаолият имкониятларини чеклайди.
Маълумот ўрнида: бугунги кунда мамлакат олийгоҳларида 1,6 миллиондан ортиқ талабага 61 мингдан зиёд профессор-ўқитувчи дарс бермоқда.
<iframe width="1335" height="751" src="https://www.youtube.com/embed/6iJGrUGEL08" title="Bir nafar professorga - o‘qituvchiga 200 nafardan ortiq talaba to‘g‘ri keladi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Муҳайё Турдалиева, Искандар Исматов, ЎзА
