Бош прокуратура ҳузуридаги Департаментнинг Қорақалпоғистон Республикаси бошқармаси томонидан Давлат хавфсизлик хизмати билан ўтказилган тезкор тадбирда балиқ етиштириш кўлини расмийлаштириб беришни ваъда қилган фирибгар ушланди.

Фуқаро Х.Қ. “Ш.” фермер хўжалигининг 200 гектар ер майдони ҳамда балиқ сақлаш кўлини танишлари орқали расмийлаштириб бериши эвазига 250 миллион сўм талаб қилган. Ушбу пулни олган вақтида ашёвий далиллар билан ушланган.

Мазкур ҳолат юзасидан Ўзбекистон Республикаси Жиноят кодексининг 168-моддаси (фирибгарлик) ва 28-, 211-моддалари (пора бериш) билан жиноят иши қўзғатилиб, тергов ҳаракатлари ўтказилмоқда.

Довуд Абибуллаев, ЎзА