Глобаллашув, маданият ва қадриятлар, миллий ўзлик тушунчалари орасидаги масофалар кундан кунга қисқариб бораётган паллада ёшларимизнинг жаҳонга интеграциялашишида тил омили муҳим ва асосий вазифани бажармоқда. Дарҳақиқат, ота-боболаримизнинг “Тил билган — эл билади” нақлига биноан юртимизнинг эртанги куни, унинг фаровонлигини таъминлаш учун ёшларнинг билим ва салоҳиятини ошириш, кенг имкониятлар яратиб бериш олдимизда турган асосий масалалардан биридир.

Яна бир муҳим жихатга эътибор қаратишимиз лозим, бугунги кунда Самарқанд давлат ветеринария медицинаси, чорвачилик ва биотехнологиялар университетини тамомлаган ветеринар ва чорвадор мутахассислар Европа давлатларида ўз йўналишлари бўйича фаолият олиб бормоқда. Биргина ўтган йилнинг ўзида Университетни тамомлаган 35 нафар битирувчилар Европанинг Дания, Швеция, Германия каби давлатларида меҳнат фаолиятларини бошлаган.

"Фахрингман, Ватан!" лойиҳасининг бугунги қаҳрамони ана шундай битирувчи ветеринар мутахассислардан бири Баходир Тиллабаев, 4 кунлик Ўзбекистонга сафаридан фойдаланиб, биз ҳам ўзбек ёшлари учун халқаро майдонда айнан чорвачилик, ветеренария соҳаларида яратилган имкониятлар ҳақида суҳбатлашиш имконига эга бўлдик. Қаҳрамонимизнинг юксак орзуларидан бири -- ўзбек ёшлари ҳеч қачон хорижга оддий ёлланувчи ишчи эмас, балки халқаро тоифадаги мутахассис бўлиб танилишларини исташи, бунинг учун юртимизда етарли имкониятлар яратилгани ва бунга қаҳрамонимиз ўз ҳиссасини қўшиб келаётгани бизни қувонтирди.

<iframe width="650" height="420" src="https://www.youtube.com/embed/GBNmirZ7zjM" title="Bahodir Tillaboyev: O‘zbek yoshlari uchun dunyo eshiklari ochiq!" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Муҳайё Турдалиева, Анвархўжа Аҳмедов, ЎзА