Юзага келган фавқулодда вазият оқибатларини бартараф этиш учун тезкор штаб ташкил этилиб, тезликда вилоят Фавқулодда вазиятлар давлат қуйи тузимларидан иборат куч-воситалар йиғилди.

Аввал хабар берганимиздек, жорий йилнинг 23 июнь куни соат 21.30 лар атрофида Қарши шаҳар И.Каримов кўчаси «Насаф Травел» меҳмонхонаси биносининг ўнг томонидан қўшимча қурилаётган 5 қаватли янги қурилиши якунланмаган бинонинг том қисмидаги том ёпма қурилмаси (бетон плита) қулаган.

Бу ҳақда вилоят фавқулодда вазиятлар бошқармаси ахборот хизмати билан боғланганимизда қуйидагиларни маълум қилди.

Аниқланишича қурилишда 5 нафар қурувчидан 4 нафари соғ-саломат ҳеч қандай тан жароҳати олмаган. Қурилишда ишчи бўлиб ишлаётган 1983 йилда Сурхондарё вилояти Бойсун туманида туғилган фуқаро Сатторов Сирожиддиннинг жасади олиб борилган қидирув-қутқарув ишлари натижасида эрта тонгда 24 июнь куни соат 05:20 лар атрофида қулаган бино вайроналари остида қидириб топилди.

Юзага келган фавқулодда вазият оқибатларини бартараф этиш учун тезкор штаб ташкил этилиб, тезликда вилоят Фавқулодда вазиятлар давлат қуйи тузимларидан иборат куч-воситалар йиғилди.

Воқеа жойига Қашқадарё вилояти махсус вазифаларни бажарувчи ҳудудий махсус отрядидан 28 нафар қутқарувчи, 16 нафар ҳарбий хизматчи, 1 та махсус авария-қутқарув автомашинаси, 3 та Ёнғин ўчириш экипажлари, 1 та АСО, 1 та ЁТМ автомашинаси, 1 та ТБМ автомашинаси, 2 та автокран, 8 та юк ташиш техникаси, 2 та юкловчи, 1 та газ авария-тиклаш автомашинаси, 1 та тез тиббий ёрдам автомашинаси ва бошқа хизмат ходимлари жалб этилган.

Айни пайтда ҳолат бўйича Қарши шаҳар прокуратураси томонидан суриштирув ишлари олиб борилмоқда.