«Arsenal» Vinisius uchun yillik 24 million yevro maosh taklif qilmoqda
«Arsenal» futbolchiga imij huquqlarining 100 foizini saqlab qolish imkonini ham taklif qilmoqda.
Vinisius Juniorning Madridning «Real» klubidan «Arsenal»ga ehtimoliy transferi futbol olamidagi eng ko‘p muhokama qilinayotgan mavzulardan biri bo‘lib qolmoqda.
Braziliyaning UOL Esporte nashri xabariga ko‘ra, London klubi 26 yoshli hujumchiga soliqlardan keyin yiliga 24 million yevro maosh to‘lashga tayyor.
Bundan tashqari, «Arsenal» futbolchiga imij huquqlarining 100 foizini saqlab qolish imkonini ham taklif qilmoqda.
Manbaga ko‘ra, Madridda ham London klubining braziliyalik yulduzni o‘z safiga qo‘shib olish istagi juda jiddiy ekani yaxshi ma’lum.
Vinisiusning «Real» bilan amaldagi shartnomasi kelasi yozda yakuniga yetadi.
Hozircha Madrid klubi futbolchining moliyaviy talablarini to‘liq qondira olmayapti. Shunga qaramay, tomonlar o‘rtasidagi muzokaralar davom etmoqda.
