10 июль куни Бирлашган Араб Амирликлари пойтахти Абу-Даби шаҳрида Озарбайжон Президенти Илҳом Алиев ва Арманистон Бош вазири Никол Пашинян музокара ўтказди.

Арманистон томони мазкур учрашувни муваффақиятли ўтди, деб ҳисобламоқда. Ушбу мамлакат Ташқи ишлар вазирлиги матбуот котиби Ани Бадалян ижтимоий тармоқ орқали шу ҳақда баёнот берди:

- Арманистон Республикаси ушбу мулоқот тинчлик жараёнини келгусида давом эттириш учун жиддий асос бўлиб хизмат қилиши мумкинлигини тасдиқлайди.