Миллий гвардия Чавандозлар мактабида хорижлик мутахассислар томонидан поло бўйича ўтказилган навбатдаги ўқув-машғулот йиғини аввалгиларидан тубдан фарқ қилди.

Мазкур ўқув-машғулот йиғини доирасида ўтказилган йиғилишда отларни тайёрлаш методикасини такомиллаштириш ҳамда чавандозларни халқаро турнирларга олиб чиқиш мақсадида аргентиналик мутахассислар Ўзбекистон Поло федерацияси раҳбарининг маслаҳатчилари этиб тайинланди.

Янги ёндашувлар, интерактив услублар, замонавий жиҳозлар ва халқаро тажрибага таянган методика бу галги машғулотларни самарали ва қизиқарли кечишини таъминлади.

Аргентиналик тажрибали мутахассислар Хоакин Спилман ҳамда Баутиста Луисетти иштирокидаги ўқув жараёнлари замонавий методика ва амалий машғулотлар уйғунлигида олиб борилди.

Йиғин давомида илғор тажрибалар, поло спортининг замонавий услублари, отларни тайёрлаш методикаси ва ўйинда ҳамжиҳатликда ҳаракат қилиш қоидалари, юқори натижаларга эришишда зарур бўлган янги техника ва методикаларни чуқур ўрганиш имкони яратилди.

Машғулотлар давомида Қорабайир зотли отларнинг полога тайёрланаётгани хорижлик мутахассислар эътирофига сазовор бўлди. Шунингдек, улар юртимизда поло спортининг ривожланиш даражаси юқори эканини эътироф этишди.

<iframe width="650" height="420" src="https://www.youtube.com/embed/C89QrvinL-o" title="Argentinalik ot sporti mutaxassislari O‘zbekistonda faoliyat boshladi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Т.Рўзиев, Х.Абрайқулова, А.Аҳмедов (видео), ЎзА