АҚШ зарбаларига жавобан Эрон Ҳурмуз бўғозини ёпди (+видео)
АҚШ Қуролли кучлари Эрондаги нишонларга қарши ҳужумларни бошлади. Бунга жавобан Теҳрон Форс кўрфази ва Иорданиядаги Америка ҳарбий базаларига ҳужум қилди. Эрон ҳарбийлари Ҳурмуз бўғозининг тўлиқ ёпилганини эълон қилди, деб хабар берди DW нашри.
10 июнь куни кечқурун АҚШ Қуролли кучлари Эрондаги нишонларга қарши зарбалар беришни бошлади. АҚШ президенти Дональд Трамп Эронга қарши янги ҳужумлар бўлишини маълум қилган эди. Трампнинг баёнотларидан сўнг АҚШ мудофаа вазири Пит Хегсет мазкур ҳужумлардан мақсад урушни қайта бошлаш эмас, балки келишув тузиш учун шароит яратишдир, деб хабар берган.
АҚШ ҳужумларига жавобан Эрон ҳам Форс кўрфази мамлакатлари ва Иорданияда жойлашган Америка ҳарбий базаларига, баллистик ракеталар ёрдамида ҳужум қилган. Қувайт армияси маълумотига кўра, мамлакат ҳаво мудофааси кучлари жанговар шайликка келтирилган.
Воқеалар ортидан Эрон ҳарбийлари Ҳурмуз бўғозининг тўлиқ ёпилганини маълум қилди. Эрон ҳарбий қўмондонлиги баёнотига кўра, бўғоз орқали ўтишга уринган ҳар қандай кема ҳужумга учрайди.
Ислом Республикасининг Бош ҳарбий штаби бу чорани АҚШ зарбаларидан кейин хавфсизлик соҳасидаги вазият ўзгаргани билан изоҳлаган. Қўмондонлик баёнотидан кўп ўтмай, Эрон давлат телевидениеси ҳарбийлар аллақачон икки кемага ўт очганини хабар қилди.
Ўз навбатида, АҚШ қуролли кучлари Ҳурмуз бўғози тўлиқ ёпилгани ҳақидаги хабарларни рад этди. Жумладан, ижтимоий тармоқда: «Савдо кемалари Ҳурмуз бўғозига киришда ва чиқишда давом этмоқда», — дея маълум қилди.
<iframe width="650" height="420" src="https://www.youtube.com/embed/0TEhOYQo1Go" title="AQSH zarbalariga javoban Eron Hurmuz bo‘g‘ozini yopdi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Кенжа Бекжонов, Анвархўжа Аҳмедов, ЎзА
