БМТ бош котиби Антониу Гутерришнинг фикрича, Украина атрофидаги кескинлик ҳарбий можарога олиб келмайди, — деб ёзади “ТАСС”.

— Мен Европада кескинлик кучайиши ва ҳарбий можаро ҳақидаги нохолис ахборот кучайиб бораётганидан чуқур хавотирдаман, — дейди Мюнхен хавфсизлик конференциясида нутқ сўзлаган Антониу Гутерриш. Бу вазиятда дипломатиядан бошқа муқобил йўл йўқ. Барча масалалар, жумладан, энг мураккаблари ҳам дипломатик доирада ҳал этилиши керак. Энди кескинликни юмшатиш вақти келди.

Сўнгги пайтда Ғарб мамлакатларида, шунингдек, Киевда Россиянинг Украина ҳудудига бостириб кириши мумкинлиги ҳақида баёнотлар пайдо бўлган. 

Шу ўринда, Россия Федерацияси президенти матбуот котиби Дмитрий Песков бундай маълумотни асоссиз айблов деб атади.