Республика махсус комиссияси қарорига биноан жорий йилнинг 18-19 июль ҳамда 25-26 июль шанба ва якшанба кунлари бутун сутка давомида республика миқёсида ҳаракатланиш, автотранспорт воситаларининг, шу жумладан, йўналишсиз таксиларнинг ҳаракати тўлиқ тўхтатилиши белгилаб қўйилди.

Республика махсус комиссияси қарорига биноан жорий йилнинг 18-19 июль ҳамда 25-26 июль шанба ва якшанба кунлари бутун сутка давомида республика миқёсида ҳаракатланиш, автотранспорт воситаларининг, шу жумладан, йўналишсиз таксиларнинг ҳаракати тўлиқ тўхтатилиши белгилаб қўйилди.

Қарор ижросини таъминлаш мақсадида Андижон вилоятининг барча шаҳар-туманларида, хусусан, вилоят маркази - Андижон шаҳрида автотранспорт воситалари, шу жумладан, йўналишсиз таксиларнинг ҳаракати тўлиқ тўхтатилди. Бу орқали андижонликлар ўз соғлиги ҳимояси, оиласи муҳофазаси, коронавирус инфекцияси юқиши ва тарқалишининг олдини олиш бўйича белгиланган чора-тадбирлар самарадорлиги юқори бўлиши учун астойдил ҳаракат қилмоқда. Кеча ва бугун аҳоли зарурат бўлмаса, умуман, кўчага чиқмасликка ҳаракат қилмоқда. Шахсий автомобиллар ҳаракати ҳам деярли тўхтаган.

Соғлиқни сақлаш, ички ишлар тизимлари, осойишталик ва санитария назорат маркази, Миллий гвардия ходимлари карантин қоидаларига тўлиқ амал қилган ҳолда ўз фаолиятларини давом эттирмоқда.