Америкалик ёшларнинг Трампдан умиди қолмаган(ми)?
“The New York Times” газетасининг хабар беришича, Дональд Трампнинг 2024 йилги президентлик сайловларида ғалаба қозонишига ёрдам берган ёш америкаликлар АҚШ етакчиси ва унинг партиясидан тобора кўнгли қолмоқда. Бунинг асосий сабаблари - мамлакатда яшаш нархининг ошиши, иқтисодий қийинчиликлар ва ваъдаларнинг бажарилмаганлиги.
“Сиена” университети томонидан ўтказилган сўровларга кўра, ёш йигитларнинг 55 фоизи 2024 йилда Трампни қўллаб-қувватлаган. Бироқ демократлар ҳозирда бу гуруҳ орасида республикачилардан бир фоизга олдин. Ёш аёллар орасида кайфиятнинг ўзгариши янада сезиларли бўлмоқда. Уларнинг 31 фоизи 2024 йилда Трампга овоз берган бўлса, ҳозирда атиги 13 фоизи республикачиларни қўллаб-қувватламоқда.
Трампнинг баъзи собиқ тарафдорлари иқтисодиёт яхшиланишини кутишганини, аммо америкаликлар манфаатларига хизмат қилмайдиган нархлар ва сиёсатнинг ошиши билан дуч келаётганини айтишмоқда. Кўнгилсизликлар 30 ёшдан 44 ёшгача бўлган сайловчиларга ҳам таъсир кўрсатмоқда.
Экспертлар фикрича, Америка ёшлари икки йирик партиядан ҳам кўнгли қолган ва уларга ишонмаяпти. Сўров натижаларига кўра, 18 ёшдан 29 ёшгача бўлган сайловчиларнинг учдан бир қисми демократларни ҳам, республикачиларни ҳам муҳим муаммоларни ҳал қилишга эътибор қаратмаганликда айблаган. Ёш сайловчиларнинг тахминан 30 фоизи ўзини демократик социалист деб биладиган номзодни қўллаб-қувватлашни афзал кўрмоқда.
С.Раҳимов,ЎзА
