Акбар Жўраев Нинбодаги жаҳон чемпионатида учта олтин медални қўлга киритди
Хитойнинг Нинбо шаҳрида оғир атлетика бўйича ўтказилаётган жаҳон чемпионатида Ўзбекистон терма жамоаси аъзоси Акбар Жўраев учта олтин медални қўлга киритди.
Чемпионатниег -110 килограмм вазн тоифасида иштирок этган ҳамюртимиз даст кўтариш машқида 198 килограмм натижа қайд этиб, жаҳон рекордини янгилади. Силтаб кўтаришда 234 килограмм натижа кўрсатган спортчимиз икки кураш якунларига кўра 432 килограмм натижа билан яна бир жаҳон рекордини ўрнатди.
Қайд этиш жоиз, даст кўтаришдаги аввалги 197 килограммлик рекорд ҳам Жўраевга тегишли бўлиб, у бу натижани 2026 йилги Осиё ўйинларида қайд этган эди. Икки курашдаги аввалги рекорд — 428 килограмм натижа эса 2025 йил октябрь ойида Норвегиянинг Фёрде шаҳрида ўтказилган жаҳон чемпионатида ўрнатилган.
Олимпия қўмитаси маълумотига кўра, Нинбодаги жаҳон чемпионати 2028 йил Лос-Анжелес Олимпия ўйинлари учун рейтинг очколарини тақдим этади. Икки жаҳон рекордини янгилаган Акбар Жўраев қўшимча бонус очколарига ҳам эга бўлди.
Маълумот учун, Акбар Жўраев Токио-2020 Олимпия ўйинлари ғолиби, Париж-2024 Олимпиадаси кумуш медали соҳиби, икки карра Осиё чемпиони ва Осиё ўйинлари ғолибидир. Нинбодаги ғалабаси билан у жаҳон чемпионатларидаги олтин медаллари сонини тўрттага етказди.
Жавоҳир Тошхўжаев, ЎзА
