Аҳолини рўйхатга олиш тўғрисидаги қонуннинг асосий вазифалари ва принциплари
Қонун 5 та боб ва 31 та моддадан иборат бўлиб унинг асосий вазифалари ва принциплари қуйидагилардан иборат.
Ўзбекистон Республикаси Президентининг 2019 йил 5 февралдаги “Ўзбекистон Республикасида 2022 йилда аҳолини рўйхатга олишни ўтказиш концепциясини тасдиқлаш тўғрисида”ги Фармонининг 5-банди ижросини таъминлаш мақсадида "Аҳолини рўйхатга олиш тўғрисида"ги қонун ишлаб чиқилди. Ушбу қонун Қонунчилик палатаси томонидан 2019 йил 21 ноябрда қабул қилинди, Сенат томонидан 2020 йил 28-февралда маъқулланди ҳамда Ўзбекистон Республикаси Президенти томонидан 2020 йил 16 мартда тасдиқланди.
Қонун 5 та боб ва 31 та моддадан иборат бўлиб унинг асосий вазифалари ва принциплари қуйидагилардан иборат.
Аҳолини рўйхатга олишнинг асосий вазифалари:
аҳлининг соғлигини мустаҳкамлаш, хотин-қизлар ва болалар яшаш шарт-шароитларини яхшилаш, оилаларга ёрдам кўрсатиш бўйича чораларни ишлаб чиқиш мақсадида аҳоли таркибидаги, мамлакатнинг демографик вазиятдаги ўзгаришларни баҳолашга доир маълумотлар базасини кенгайтириш;
шаҳарларни ва бошқа аҳоли пунктларини ижтимоий-иқтисодий ривожлантиришнинг, меҳнат ресурсларини жойлаштириш ҳамда улардан фойдаланишнинг узоқ, ўрта ва қисқа муддатли прогнозлари ҳамда дастурларини тайёрлаш;
аҳолини рўйхатга олишлар оралиғидаги даврда аҳоли сони ва таркибининг жорий ҳисобини, ҳисоб-китобларини ҳамда прогнозларини амалга ошириш;
ижтимоий-иқтисодий ривожлантириш масалалари бўйича илмий тадқиқотларни ўтказиш.
Аҳолини рўйхатга олишнинг асосий принциплари:
даврийлик;
умумийлик ва бир пайтлик;
рўйхатга олишнинг якка тартибдалиги;
шахсга доир маълумотларнинг махфийлиги;
аҳолини рўйхатга олишни бошқаришнинг марказлаштирилганлигидан иборат.
Х.Ўролов , Вилоят статистика бошқармаси
Демография ва Меҳнат статистикаси бўлим бошлиғи