Избоскан туманида чорвачилик билан шуғулланувчи масъулияти чекланган жамият АТ “Халқ банки”дан кредит олиб, ўз вақтида қайтармаган. Банк вакиллари 217 миллион сўм кредитни ундириш бўйича судга мурожаат қилган. Суд томонидан даъво қаноатлантирилиб, қайтарилмаган кредит қарзи гаровдаги савдо дўконига қаратилиши белгилаб берилди.

Мажбурий ижро бюроси Избоскан туман бўлими ходимлари қарздорликни ундириш бўйича ижро ҳаракати давомида жамият вакилларини огоҳлантирди. Бироқ кредит маблағлари тўланмагач, гаровдаги савдо дўкони хатланиб, 225 миллион сўм қийматда аукцион савдосига чиқарилди.  

Электрон онлайн-аукцион қарорини кўргачгина мулкидан айрилиши мумкинлигини тушуниб етган қарздор жамият вакиллари кредит қарзини қайтаришнинг ҳаракатига тушди. Натижада савдо кунига қадар 217 миллион сўм миқдоридаги кредит қарзи тўлиқ қопланди.  

 

Ш.Отабоев,
ЎзА