2023 йилда пойтахт метроси 172 млн. нафар фуқарога хизмат кўрсатган бўлиб, жорий йил якунигача бу 209 млн. нафар йўловчини ташкил этиши кутилмоқда.

«Тошкент метрополитени» даромадлари 2016 йилдаги 63 млрд. сўмдан 2023 йилда 477 млрд. сўмни ташкил этиб, ўтган даврга нисбатан қарийб 8 баробарга кўпайди. Ишчи ходимларнинг ўртача ойлик иш ҳақи 2016 йилда 815 минг сўм бўлган бўлса, жорий йилда — 6,2 млн. сўм. 

Сўнгги 3 йилда янги турдаги 29та ҳаракат таркиблари харид қилиниб, 2024 йилда поездлар сони 65тага етказилди. Хизмат муддатини ўтиб бўлган ҳаракат таркиби — 21та. 

<iframe width="650" height="420" src="https://www.youtube.com/embed/0dQeVXWUPW8" title="2026-yilgacha Toshkent metropoliteniga 104ta metro vagonlari olib kelinadi." frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Жорий йил якунидан бошлаб 48та ва 2025 йил давомида яна қўшимча 56 дона метро вагонларини харид қилиш кўзда тутилган. Бунинг натижасида тасарруфдаги ҳаракат таркибларини янгиланишига ҳамда йўналишларда поездлар оралиқ интервалини қисқартириш белгиланган. 

Янги метро вагонлар келиши билан Чилонзор, Ўзбекистон, Юнусобод ва Ер усти ҳалқа йўли йўналишида вагонлар сони ортиши ҳисобига оралиқ интервал ҳозирги 9-4 дақиқадан 2−3 дақиқагача камайтирилади. 

Мадинабону Насриева, Дониёр Ёқубов, Улуғбек Тўхтаев (видео), ЎзА