Бу ҳақда АОКАда ўтказилган брифингда "Ўзмиллийбанк" АЖ Ахборот хизмати раҳбари Зебо Тўхтаева маълум қилди.
2024 йилда Ўзмиллийбанк активлари 135 трлн.сўмга, кредит портфели 108 трлн.сўмга ҳамда банк капитали 18,9 трлн.сўмга етказилди.
Шунингдек, омонатлар қолдиғи 36 трлн.сўмга етказилиб, 1,7 трлн.сўм соф фойда олинди.
Ўтган йил давомида иқтисодиётнинг устувор йўналишларидаги лойиҳаларига инвестицияларни жалб қилиш, экспортни қўллаб-қувватлаш мақсадида банк томонидан тадбиркорларнинг самарали лойиҳалари молиялаштирилди.
Хусусан, 2024 йилда тадбиркорларнинг 3 675 та лойиҳаларига 28,5 трлн.сўм кредит маблағлари ажратилди. Шундан:
- корхоналарнинг айланма маблағга бўлган талаби бўйича
1 896 та лойиҳаларга 16,6 трлн.сўм;
- инвестиция йўналишидаги 1 779 та лойиҳага 11,9 трлн. сўм кредитлар ажратилди.
Ажратилган кредитлар иқтисодиёт тармоқлари бўйича:
- саноатда 711 та лойиҳаларга 12,3 трлн.сўм;
- қурилишда 136 та лойиҳаларга 2,5 трлн.сўм;
- қишлоқ хўжалигида 159 та лойиҳаларга 2 трлн.сўм;
- аҳолига озиқ-овқат, савдо-маиший, транспорт ва алоқа хизматлари йўналишида 2 669 та лойиҳага 11,7 трлн.сўм.
Кичик бизнес субъектларининг 2 906 та лойиҳаларини молиялаштириш учун 8,9 трлн.сўм кредитлар ажратилиб,
2 488 нафар иш ўринлари яратилди.
Инвестиция дастури
2024 йилги Инвестиция дастури доирасида Ўзмиллийбанк томонидан 600 млн.доллар хорижий кредит линияларини жалб қилиш режаси белгиланган эди.
Ўтган йилда Хитой давлат тараққиёт банкидан – 167 млн. долл., Хитой Эксимбанкидан – 56 млн.долл., Германия Коммерцбанкидан – 77 млн.доллар миқдоридаги маблағлар хорижий кредит линияларидан ҳамда Ўзмиллийбанк Еврооблигацияларини жойлаштириш орқали хорижий инвесторлардан 300 млн.доллар жалб қилиниб, режа 100 фоизга бажарилди.
Жалб қилинган маблағлар иқтисодиётимизнинг барча тармоқларидаги тадбиркорларнинг самарали лойиҳаларини молиялаштиришга йўналтирилди.
Шу билан бирга, 2024 йилда банк томонидан Ўзбекистон Республикаси тижорат банклари орасида биринчи бўлиб миллий валютада 111 млн.доллар эквиваленти миқдоридаги халқаро облигациялар жаҳон молия бозорига жойлаштирилди.
Миллий валютада жалб қилинган ушбу маблағлар банк томонидан маҳаллаларда янги иш ўринларини яратиш, тадбиркорликни ривожлантириш борасидаги микролойиҳаларни молиялаштириш, замонавий кўп қаватли уй-жойларни қуриш ҳамда хизматлар соҳасини ривожлантириш йўналишидаги лойиҳаларга ажратилди.
Банк кўмагида амалга оширилаётган
Инвестиция дастури лойиҳалар
Топшириққа мувофиқ, 2024 йилда ўзлаштириладиган тўғридан-тўғри хорижий инвестициялар ва банк кредитлари ҳисобига амалга ошириладиган умумий қиймати 4,5 млрд.долл. бўлган 381 та лойиҳалар Ўзмиллийбанкка бириктирилди.
2024 йилда инвестицияларни ўзлаштириш бўйича ўрнатилган 4,5 млрд.долл.лик прогноз тўлиқ амалга оширилиши натижасида, корхоналар томонидан хорижий инвестициялар 4,8 млрд.долл. (107%) ўзлаштирилди.
Бунда Халқаро тикланиш ва тараққиёт банки, Хитой Эксимбанки, Хитой давлат тараққиёт банки, Ландесбанк, Коммерцбанк ва бошқа хорижий кредит линиялари ҳисобидан
74 та лойиҳага 664,1 млн.доллар миқдорида кредит ажратилди.
Бундан ташқари берилган топшириққа мувофиқ, 2024 йилда банк томонидан тадбиркорларнинг истиқболли лойиҳаларни молиялаштиришга 1,6 млрд.доллар хорижий кредит линиялари жалб қилинишига эришилди.
Экспорт фаолияти бўйича
2025 йил 1 январ ҳолатига Ўзмиллийбанк тизими бўйича
3 932 та экспортёр корхоналар томонидан умумий қиймати
98,4 млрд. долларлик экспорт шартномалари бўйича 2024 йилда 2,7 млрд. долл. миқдорида маблағлар келиб тушди. Жумладан:
- Тоғ-кон ва металлургия йўналишида 781,8 млн. доллар;
- Тўқимачилик йўналишида 557,2 млн. доллар;
- Темир йўллари хизматлари 287,5 млн. доллар;
- Ҳаво йўллари хизматлари 222,2 млн. доллар;
- Мева-сабзавотчилик бўйича 205,2 млн. доллар;
- Ўзбекистон озиқ-овқат саноати уюшмасига аъзо корхоналар томонидан 91,6 млн. доллар маҳсулот экспорт қилинган.