2018 йилда Тошкент шаҳрида 9 мингта хонадонга мўлжалланган уйлар барпо этилади.

Жорий йилда пойтахтда 181 та кўп қаватли уй қурилиши кўзда тутилмоқда. Бу ҳақда 2012-2017 йилларда Тошкент шаҳрини ижтимоий-иқтисодий ривожлантиришнинг асосий натижалари ҳамда 2018 йил режа кўрсаткичларида қайд этилган.

2012-2017 йилларда Тошкент шаҳрида 182 та кўп қаватли уй бунёд этилган бўлиб, ўтган йилнинг охирига келиб бу турдаги уйларнинг сони 9 минг 592 тага етган.

Дастлабки ҳисоб-китобларга кўра, 2018 йилда хонадонлар сони ўтган йилдагидан 9 минг 82 тага кўпайиб, 449 минг 562 тага етади.