Мамлакатнинг энг иқтидорли стол теннисчилари аниқланмоқда
Пойтахтимиздаги Ўзбекистон стол тенниси федерацияси спорт мажмуасида U19 ёш тоифасида ўтказилаётган мамлакат чемпионатининг ўғил болалар ўртасидаги яккалик баҳсларида кучлилар совринли ўринларни эгаллади.
Қизиқарли кечган ўйинлар натижасига кўра, бухоролик Хуршидбек Аҳмедов олтин медални қўлга киритган бўлса, кумуш медалга Тошкент вилояти вакили Темурбек Нурмонов, бронза медалларига эса Мусобек Толиев ва Тошкент вилоятидан Диёрбек Дилшодов эга чиқди.
Чемпионатнинг ўғил болалар ўртасидаги жуфтлик баҳсларида Фарғона вилояти вакиллари Шаҳбоз Ғуломиддинов ва Ҳасан Тешабоев шоҳсупанинг энг юқорисидан жой олди.
Жуфтликнинг финал мусобақаларида Андижон жамоасидан устунликка эришган Бухоро вилояти вакиллари И.Зокирова/С.Қодирова чемпионлик мақомига кўтарилди. Кейинги совринли ўринларнинг барчаси Андижон жамоаси аъзоларига насиб этди. М.Давронова/С.Абдиманнопова кумуш, Р.Муйдинова/Т.Озоджонова ҳамда Д.Арслонова/О.Арслонова бронза медалларини қўлга киритди.
Т.Рўзиев,
ЎзА
