Филологик компаративистика ва таржимашунослик масалалари муҳокама қилинди (+видео)
Алишер Навоий номидаги Тошкент давлат ўзбек тили ва адабиёти университетида “Филологик компаративистика ва таржимашунослик масалалари” мавзусидаги халқаро илмий-амалий конференция бўлиб ўтди. Ушбу анжуман замонавий филологик тафаккурнинг методологик ўзгаришлари, қиёсий ёндашувларнинг янги илмий парадигмаларини белгилаш ҳамда таржимашунослик ва адабиётшуносликда кузатилаётган концептуал янгиланишларни таҳлил этишга бағишланди.
Конференция якунида филологик компаративистика фанининг интердисиплинар ривожланиш босқичига ўтгани, уни тилшунослик, адабиётшунослик, таржимашунослик ва методика билан узвий боғлаб ўрганиш зарурлиги таъкидланди.
Мазкур халқаро анжуман филология фанининг ҳозирги босқичида кечаётган методологик янгиланиш, назарий уйғунлик ва фанлараро изчиллик жараёнларини ифода этиб, ўзбек илмий мактабининг глобал филологик дискурс билан интеграциялашувини кучайтирувчи муҳим илмий платформа сифатида эътироф этилди. Унда илгари сурилган илмий ғоялар компаратив тафаккур, таржимашунослик ва адабий-назарий изланишларнинг янги босқичини бошлаб берувчи илмий асос сифатида алоҳида аҳамият касб этади.
<iframe width="650" height="420" src="https://www.youtube.com/embed/dNmzog7M85Q" title="Filologik komparativistika va tarjimashunoslik masalalari muhokama qilindi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Муҳайё Турдалиева, Анвархўжа Аҳмедов, ЎзА
