Бош прокуратура: коррупциявий ҳолатларга дуч келсангиз, бизга мурожаат қилинг! (+видео)
Ўзбекистон Республикаси Бош прокуратураси жамият тараққиётига тўсқинлик қиладиган салбий иллат – коррупцияга қарши курашишни кучайтириш мақсадида аҳолига мурожаат қилди.
Зеро, бу масала жорий йилда жуда долзарб бўлиб, давлатимиз раҳбари томонидан коррупцияга қарши курашиш бўйича “фавқулодда ҳолат” эълон қилинган.
Коррупциявий ҳолатларга дуч келсангиз – бефарқ бўлманг. Бу каби ҳолатлар ҳақида Бош прокуратуранинг “1161” рақамли “ишонч телефони” орқали мурожаат қилинг.
Шунингдек, прокуратура, шу жумладан, Бош прокуратура ҳузуридаги Иқтисодий жиноятларга қарши курашиш департаменти ва Мажбурий ижро бюроси органлари ходимларининг ноқонуний ҳаракатлари, мансаб ваколатларини суиистеъмол қилиш ҳамда бошқа коррупцияга оид ҳуқуқбузарликлари ҳақида ҳам мурожаат қилишингиз мумкин.
Мурожаатингиз тезкорлик билан кўриб чиқилади ҳамда шахсингиз ошкор этилмаслиги кафолатланади.
Бош прокуратура аҳолини коррупцияга қарши биргаликда курашишга чақиради. Зеро, ҳалоллик ва адолат – тараққиёт гарови.
<iframe width="640" height="420" src="https://www.youtube.com/embed/XODo3jzydlQ" title="Bosh prokuratura: korrupsiyaviy holatlarga duch kelsangiz,bizga murojaat qiling!" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Н.Абдураимова, Ё.Мелибоев (видео), ЎзА
