Украинада депутатлар ва амалдорларнинг уйлари тинтув қилинмоқда(+видео)
Украинада коррупцияга қарши кураш тизимлари йирик махсус операция бошлади. Махсус идоралар юқори лавозимдаги амалдорлар ва депутатлар билан боғлиқ бир нечта манзилларда тинтув ўтказмоқда, деб хабар берди DW нашри
Дастлабки маълумотларга кўра, тергов Украина Президенти офиси раҳбари ўринбосари Ирина Мудрая, депутат Вадим Столар ва собиқ депутат Максим Микитась номлари билан боғлиқ.
Украина Миллий коррупцияга қарши кураш бюросининг маълум қилишича, гап амалдаги ва собиқ депутатлар ҳамда Президент офиси юқори лавозимдаги ходимлари иштирокида фаолият юритган жиноий ташкилот ҳақида кетмоқда.
Ҳуқуқни муҳофаза қилувчи органлар ҳозирча гумонланувчиларнинг номини расман эълон қилмаган. Терговда «Сенс Банк», собиқ энергетика ва адлия вазири Герман Галущенко билан боғлиқ ишлар ҳам тилга олинмоқда.
Расмий тафсилотлар кейинроқ тақдим этилиши кутилмоқда.
Эътиборли жиҳати —терговнинг юқори давлат лавозимларини эгаллаб турган шахсларгача етиб боргани Украинада коррупцияга қарши кураш ва ҳокимият ичидаги эҳтимолий манфаатлар тўқнашуви масаласини яна кун тартибига олиб чиқмоқда.
<iframe width="650" height="420" src="https://www.youtube.com/embed/puq2S_xTTco" title="Ukrainada deputatlar va amaldorlarning uyi tintuv qilinmoqda" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Кенжа Бекжонов, Салимжон Обиджонов, ЎзА
