Тунги рейд: Тозалаш фильтри бор, лекин ишламайди
Экологик хавфсизликни таъминлаш ва атроф-муҳитга салбий таъсирларни камайтириш мақсадида махсус комиссия иштирокида навбатдаги рейд тадбирлари Тошкент вилояти Қибрай туманида ўтказилди.
Рейд давомида туманда фаолият юритаётган бир қатор иссиқхоналарда иситиш печларининг ҳолати, шунингдек, уларга ўрнатилиши лозим бўлган тозалаш фильтрларининг мавжудлиги ва техник ҳолати ўрганилди.
Хусусан, “Ёнариқ” маҳалла фуқаролари йиғини ҳудудида жойлашган иссиқхоналардан бирида ўтказилган ўрганиш жараёнида иситиш печига тозалаш фильтри ўрнатилгани, бироқ амалда ишлатилмаётгани ва иситиш печидан чиқаётган заҳарли ташламалар атмосферага чиқаётгани аниқланди. Иссиқхона эгаси фильтр ишлаб турганини асослашга ҳаракат қилсада, экология ходимлари бу ҳолат белгиланган тартиб қоидаларга мувофиқ эмаслигини билдириб, мазкур қоидабузарлик бўйича тегишли чоралар кўрилиши лозимлигини таъкидлашди.
Шунингдек, айнан шу маҳаллада жойлашган яна бир иссиқхона фаолияти ҳам ўрганилди. Текширув натижаларига кўра, ушбу иссиқхонадаги иситиш печи ва тозалаш фильтри тўлиқ соз ҳолатда экани, экологик ва техник талабларга жавоб бериши маълум бўлди.
<iframe width="650" height="420" src="https://www.youtube.com/embed/tKI_WOWkzd4" title="Tungi reyd: Tozalash filtri bor, lekin ishlamaydi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Ҳамроз Баянов, ЎзА
